KATIBU MKUU WIZARA YA AFYA ATEMBELEA MRADI UJENZI WA HOSPITALI YA RUFAA YA MKOA WA GEITA

Imewekwa: Saturday 15, August 2020

Katibu Mkuu Wizara ya Afya, Maendeleo ya Jamii, Jinsia Wazee na Watoto Prof. Mabula Daudi Mchembe amefaya ziara ya kutembelea Mradi wa ujenzi wa Hospitali ya Rufaa ya Mkoa wa Geita unaotekelezwa na TBA kama Mkandarasi na Mshauri Elekezi. Akiwa katika eneo hilo la Mradi amefurahishwa na jinsi TBA inavyoendelea na hatua za umaliziaji wa ujenzi wa baadhi ya Majengo katika eneo hilo.

Vile vile Prof. Mchembe aliongeza kusema kuwa ushirikiano uliopo kati ya Wizara ya Afya na Wakala wa Majengo Tanzania (TBA) ni mzuri hivyo kurahisisha utekelezaji wa mradi huu.

Aidha, Meneja wa TBA Mkoa wa Geita Mhandisi Gradys Jefta alieleza kuwa Ujenzi wa Hospitali hiyo umefikia asilimia 91% ya utekelezaji na kuahidi kuendelea na kazi za umaliziaji ili mradi huu uweze kukamilika kwa wakati na kuanza kutowa huduma kama ilivyopangwa.

Kwa upande wa Msimamizi wa Mradi Mbunifu Majengo Grace Elias alisema Ujenzi wa Hospitali ya Rufaa Mkoa wa Geita unazingatia viwango vya ubora katika kila hatua ya utekelezaji. Aliongeza pia kuwa vifaa vyote vinavyotumika katika ujenzi vikiwemo nondo, zege, maji, mchanga na vingine huwa vinapimwa kabla ya kutumika ili kudhibiti viwango vya ubora wa jengo linalojengwa.