TBA yapongezwa

Imewekwa: Tuesday 21, November 2017

Naibu Waziri wa Ujenzi, Uchukuzi na Mawasiliano, Elias Kwandikwa ameipongeza TBA kwa kazi nzuri inayofanya katika Sekta ya Ujenzi kwa kusimamia na kutekeleza Miradi ya Serikali kwa kuzingatia ubora na kwa gharama nafuu. Na amewataka pia wadau wengine waje wajifunze TBA na kuwa wazalendo katika kutekeleza miradi ya Serikali.

“Nakupongeza sana Mtendaji Mkuu wa TBA, kwa kazi kubwa unayofanya katika kutekeleza Miradi ya Serikali na kwa gharama nafuu, fedha mnayookoa inakwenda kusaidia huduma zingine, hivyo Serikali iko pamoja navyi na itaendelea kuwaunga mkono” Amesema Naibu Kwandikwa

Naibu Waziri Kwandikwa ametoa pongezi hizo kwenye Ziara ya kutembelea Mradi wa Nyumba za makazi, Magomeni Kota unaotekelezwa na Wakala wa Majengo Tanzania (TBA).

Naye Mtendaji Mkuu wa TBA, Arch. Elius Mwakalinga, amesema kuwa katika kupunguza gharama, TBA imeamua kuwekeza katika vifaa na rasilimali watu. Imefanikiwa kununua magari (Malori), mitambo na kuwa na wataalamu wa fani mbalimbali za ujenzi wenye uwezo na weledi mkubwa katika utendaji kazi.

“TBA tunafanya kazi kwa vitendo na hatuna tamaa na pesa, kikubwa ni Uzalendo tu” amesema Mwakalinga

Mradi wa Magomeni ni mradi wa nyumba za Makazi