?DC NYAMAGANA AIPONGEZA TBA KWA KUTEKELEZA MIRADI MKOANI MWANZA

Imewekwa: Thursday 02, April 2020

DC NYAMAGANA AIPONGEZA TBA KWA KUTEKELEZA MIRADI MKOANI MWANZA

Mkuu wa Wilaya ya Nyamagana Dkt. Philis M. Nyimbi ameupongeza Wakala wa Majengo Tanzania (TBA) kwa kazi nzuri wanayoifanya ya kutekeleza miradi ya maendeleo katika Mkoa wa Mwanza.

Akiongea juu ya ujenzi wa jengo la ofisi ya Mkuu wa Wilaya ya Nyamagana, Dkt. Nyimbi amesema TBA imejenga jengo zuri, lililojengwa kitaalam ambalo hata kimuonekano wa ramani ni jengo linalovutia. Pia Mhe. Nyimbi alisema jengo hilo lina nafasi kubwa inayokidhi mahitaji ya ofisi kwa watumishi wote na hakuna tena changamoto ya muingiliano kama ilivyokuwa awali. Pia ameishukuru Serikali kwa kuipa TBA jukumu la kujenga jengo hilo kwani kukamilika kwake kumeleta mafanikio makubwa kwa Wilaya ya Nyamagana na wakazi wote wa jiji la Mwanza.

Aidha, Kaimu Meneja TBA Mkoa wa Mwaza Arch. Salum Kihelo amesema miradi inayotekelezwa Mkoani Mwanza ni pamoja na Ujenzi wa jengo la huduma ya mama na mtoto katika hospitali ya Sekou Toure, ujenzi wa jengo la ofisi ya Mkurugenzi Halmashauri ya Misungwi, ujenzi wa jengo la ofisi ya Mkurugenzi Buchosa, ujenzi wa jengo la Kumbukumbu na Nyaraka za Taifa kanda ya Ziwa, ujenzi wa jengo la Mkuu wa Wilaya ya Nyamagana na ujenzi wa jengo la nyumba ya makazi ya Mkuu wa mkoa wa Mwanza.

Vile vile Arch. Kihelo aliongeza kwa kusema kuwa, katika utekelezaji wa miradi hiyo ofisi ya TBA Mkoa wa Mwanza inatoa na kupokea ushirikiano mkubwa kutoka kwa washitiri.