MAKAMU WA RAIS ARIDHISHWA NA KAZI ILIYOFANYWA NA TBA WAKATI ALIPOTEMBELEA HOSPITALI YA RUFAA YA MKOA WA SIMIYU

Imewekwa: Monday 09, March 2020

Makamu wa Rais wa Jamhuri ya Muungano wa Tanzania Mhe. Samia Suluhu Hassan ametembelea jengo la Hospitali ya Rufaa ya Mkoa wa Simiyu na kuridhishwa na kazi iliyofanywa na TBA katika kukamilisha mradi wa ujenzi wa majengo hayo. TBA ilikuwa mkandarasi katika Ujenzi wa majengo ya Hospitali hiyo. Majengo yaliyojengwa na TBA yanajumuisha Jengo la OPD, Jengo la Maabara ya Kisasa, Jengo la Mionzi na Upasuaji pamoja na Jengo la kuunguzia taka. Mara baada ya kutembelea majengo mbalimbali katika Hospitali hiyo, Makamu wa Rais alieleza kufurahishwa na kazi iliyofanywa na kuomba kupiga picha na watumishi wa TBA.

Aidha Makamu wa Rais, Mhe. Samia Suluhu Hassan baada ya kutembelea Hospitali ya Rufaa ya Mkoa wa Simiyu alieleza kuridhishwa na hatua iliyofikiwa kutokana na maendeleo ya kiutendaji katika Hospitali hiyo.

Ziara hiyo ilifanyika Machi 07, 2020 kabla ya siku ya kilele cha maadhimisho ya Siku ya Wanawake Duniani yaliyofanyika katika uwanja wa Halmashauri ya Mji wa Bariadi Mkoani Simiyu Machi 08, 2020 ambayo mgeni rasmi katika kilele cha maadhimisho hayo alikuwa Makamu wa Rais wa Jamhuri ya Muungano wa Tanzania Mhe. Samia Suluhu Hassan.