TBA yawezesha Mafunzo ya Ufundi stadi katika vijiji sita Mkoani Dodoma

Imewekwa: Monday 06, November 2017

Mafunzo hayo ya Mwezi mmoja yamewezeshwa katika vijiji vya Bwigili, Chahwa, Vikonje, Msanga, Kawawa na Chamwino. Lengo la mafunzo hayo ni kuwapatia ujuzi wakazi hao ili kusaidia kutatua tatizo la ajira. Mafunzo yaliyotolewa ni pamoja na Ujenzi, Seremala, Mapishi, Ulinzi, Usafi na Mazingira.

Mtendaji Mkuu wa TBA, Arch. Elius Mwakalinga amewataka wanufaika wa mafunzo hayo kuzingatia maelekezo kutoka kwa wakufunzi wao ili kila mmoja aweze kuelewa kile anachofundishwa kwa lengo la kuboresha maisha yake.

Kwa upande wao wanufaika wa mafunzo hayo, wameishukuru TBA kwa kuwezesha mafunzo hayo na kuahidi kuzingatia maelekezo yote watakayopewa na wakufunzi wao.