TBA YAANZA KUANDAA MPANGO MKAKATI MPYA 2019/20 - 2023/24

Imewekwa: Tuesday 01, October 2019

Wakala wa Majengo Tanzania (TBA) unaandaa Mpango Mkakati mpya hii ni baada ya Mpango Mkakati wa awali kuisha muda wake. Sehemu ya Mipango, Ufuatiliaji na Tathmini chini ya Idara ya Huduma za Biashara kimeunda timu ya kuandaa Mpango Mkakati ikihusisha wawakilishi mbalimbali wakiwemo Mwakilishi kutoka Wizarani (DTES), Wakurugenzi wa Idara, Mameneja wa Vitengo/ Sehemu, baadhi ya Mameneja wa Mikoa, Maafisa wa TBA pamoja na Muwezeshaji kutoka Wizara ya Fedha na Mipango.

Akizungumza wakati wa ufunguzi wa kikao kazi hicho Mkurugenzi wa Huduma Wezeshi Bw. Amos Nnko alisema, Mpango Mkakati huo ni lazima uendane na Sera za Nchi na kuhakikisha unakidhi mahitaji ya Watumishi wa Umma na Unaleta tija kwa TBA.

Mpango mkakati huo unatarajiwa kuleta mabadiliko chanya Katika utekelezaji wa kazi za TBA ili iweze kutimiza malengo yake kwa Ufanisi na kwa gharama nafuu.