TBA yapata Tuzo katika Maonyesho ya 42 ya Sabasaba

Imewekwa: Wednesday 12, September 2018

Wakala wa Majengo Tanzania (TBA) imefanikiwa kupata Kikombe cha ushindi kwenye Maonyesho ya 42 ya Biashara ya Kimataifa ya Dar es Salaam, yanayoandaliwa na TANTRADE. Katika Maonyesho hayo yaliyofanyika kuanzia Juni 28 hadi Julai 13, 2018 katika viwanja vya maonesho vya Mwl. J.K. Nyerere (sabasaba), TBA ilifanikiwa kushinda zawadi ya mshindi wa kwanza yaani “Certificate of Award as First Winner Prize under the category of Construction and Related Building Materials Exhibitors”. Pia TBA ilifanikiwa kupata cheti cha ushiriki wa Maonyesho hayo.

Lengo kuu la TBA kushiriki maonesho hayo ilikuwa ni kujitangaza, kutoa elimu juu ya huduma zinazotolewa na wakala pamoja na kukutana na wadau mbalimbali ili kuongeza fursa za kibiashara na huduma zinazotolewa na Wakala wa Majengo (TBA).

Katika Maonyesho hayo, TBA ilionyesha baadhi ya Mitambo yake inayotumika katika Miradi mbalimbali inayotekeleza nchi nzima. Pia baadhi ya michoro ya Majengo inayojenga na mingine iliyokamilika.

Wananchi wengi waliotembelea Banda hilo walifurahi kujifunza na kuona huduma zinazotolewa na TBA, hivyo baadhi yao walipendekeza huduma ya ujenzi wa nyumba za watumishi wa umma uendelee kutekelezwa katika mikoa yote ya Tanzania.