TBA YAKAMILISHA MRADI WA UJENZI WA OFISI ZA TFS MKURANGA - PWANI

Imewekwa: Thursday 30, April 2020

TBA YAKAMILISHA MRADI WA UJENZI WA OFISI ZA TFS MKURANGA - PWANI

Wakala wa Majengo Tanzania (TBA) umekamilisha na kukabidhi Mradi wa ujenzi wa ofisi ya Wakala wa Misitu Tanzania (TFS) Wilayani Mkuranga mkoa wa Pwani. TBA imeshiriki ujenzi huo kama Mkandarasi na Mshauri Elekezi. Ujenzi huo ulihusisha ujenzi wa jengo lenye ofisi kumi na moja (11), maktaba, ukumbi wa mikutano pamoja na jiko. Katika ujenzi huo TBA imejenga jengo la kisasa lenye ubora wa hali ya juu pamoja na kuzingatia uwepo wa miundombinu ya watu wenye mahitaji maalumu.

Ukamilishaji wa mradi huo utatatua changamoto ya uhaba wa ofisi kwa wafanyakazi wa TFS wilayani Mkuranga na kuongeza ufanisi katika utendaji kazi wao. Pia wananchi watapata huduma kwa urahisi zaidi kutokana na uwepo wa ofisi zenye nafasi na miundombinu yote muhimu.

TBA ni taasisi ya Serikali iliyoanzishwa mwaka 2002 kwa lengo la kusimamia miliki za Serikali.