TBA KUANZA AWAMU YA PILI YA UTEKELEZAJI WA MRADI WA UJENZI WA HOSPITALI YA RUFAA MBEYA

Imewekwa: Thursday 30, April 2020

TBA KUANZA AWAMU YA PILI YA UTEKELEZAJI WA MRADI WA UJENZI WA HOSPITALI YA RUFAA MBEYA

Wakala wa Majengo Tanzania (TBA) umeanza awamu ya pili ya utekelezaji wa mradi wa ujenzi wa majengo katika Hospitali ya Rufaa ya Mkoa wa Mbeya. Awamu ya kwanza ilihusisha ujenzi wa msingi pamoja na kusimamisha nguzo wa majengo. Awamu hii ya pili ni muendelezo wa majengo haya mawili makubwa ya ghorofa yaliyosimama kwa takribani miaka mitatu kwa kukosa fedha.

Awali mradi huu ulikua chini ya usimamizi wa Ofisi ya Mkuu wa Mkoa wa Mbeya ambapo kwa sasa utasimamiwa na Wizara ya Afya, Maendeleo ya Jamii, Jinsia, Wazee na Watoto. Ujenzi huu utajumuisha jengo la upasuaji na utakasaji vifaa (CSSD) pamoja na jengo la wodi la upasuaji. Kukamilika kwa ujenzi huu kutaboresha utoaji wa huduma hizi ambazo hazina miundombinu hii kwa sasa. Wizara imeshasaini mkataba na kwa sasa maombi ya fedha pamoja na nyaraka zote muhimu ya kuanza ujenzi yamewasilishwa Hazina kwa utekelezaji.

Wakala wa Majengo Tanzania (TBA) ni taasisi ya Serikali iliyoanzishwa mwaka 2002 kwa lengo la kusimamia miliki za Serikali.